Helga 15.-17. februar skipa CISV Sunnhordland hyttetur til Espevær for årets søkarar og fjorårets deltakarar. Heile 19 spente 10-13 åringar og tre vaksne tok båten over til øya i havgapet.
Laurdag var det strålande sol, og dagen blei tilbragt ute. Fjorårets deltakarar fekk trumfa gjennom capture the flag, og dagen vart avslutta med rebusløp. Ein av deltakarane fekk til og med unnagjort årets første bad.
På søndagen fekk årets interchange-delegasjon bryna seg på aktivitetsplanlegging. Det var ein nøgd gjeng som tok båten tilbake om ettermiddagen.
